Kryetari i Aleancës për Ardhmërinë e Kosovës, Ramush Haradinaj, me anë të një interviste televizive ka folur lidhur me zhvillimet e fundit politke në Kosovë, kryesisht për emërimet e bëra në qeveri nga Kryeministri në deyrë Albin Kurti.
Fjala e Haradinajt
Edhe ata si kryeministri, edhe ata janë ushtrues detyre tash, ose në detyrë quhen tash zëvendësa, nuk janë zëvendësa. Me ligj nuk e di që është keq, por është e pahijshme tash, e panevojshme realisht. Nuk e shoh pse duhet të ndodhë në këtë mënyrë tani. Unë besoj që më e rëndësishme është të angazhohet qeveria për t’i kryer punët që janë dhe që mund të kryhen, por këto emërime të tilla tash nuk e kanë një shije të mirë kur janë fushatë, nuk duken mirë. Janë shpallur zgjedhjet, janë vetëm 40 ditë deri në zgjedhje, nuk janë të hijshme. Nuk e kuptoj pse bëhen.
