Ish futbollisti i Tiranës Olsi Teqja me anë të një postimi në rrjetet sociale ka njoftuar se nuk do të luajë më futboll.
Teqja shprehet se gjithmonë e ka menduar por asnjëherë nuk e ka pranuar faktin që nuk do të luajë më futboll.
“Ka ardhur momenti të tërhiqem nga kjo lojë që e duan aq shumë te gjithë edhe i jam falenderues për të gjitha emocionet qe me fali prej afro 2 dekada”, shkruan Olsi Teqja.
Ai i falenderon të gjitha ekipet që ka luajtur nga Oise, Beauvais, Shkëndija, Tirana, Kukësi, Laçi, Kastrioti, Apolonia, Bylis. Gjithashtu falenderon edhe presidentët, trajnerët që ka punuar dhe lojtarët, miqtë dhe shokët që ka njohur nga sporti.
“Pa harruar një falenderim për çdo tifoz sepse pa ju kjo lojë nuk do kishte asnjë kuptim. Rishihemi në projekte të reja ne fushën e sportit duke dhënë kontributin tim dhe eksperiencën time”, shkruan Teqja.
