Shtëpia e Bardhë ka riafirmuar angazhimin e saj për të mbrojtur Izraelin në rast një sulmi nga Irani, duke deklaruar se forcat amerikane janë të gatshme për çdo situatë.
Zëdhënësi i Sigurisë Kombëtare, John Kirby, theksoi se SHBA-të mbajnë një qëndrim të fortë në rajon dhe janë të përgatitur për të mbrojtur Izraelin, nëse do të jetë e nevojshme.
Kirby shprehu gjithashtu optimizëm për një marrëveshje të mundshme armëpushimi në Gaza, duke e quajtur procesin aktual të bisedimeve “konstruktiv” dhe duke shpresuar për një përfundim të suksesshëm të konfliktit që ka zgjatur 10 muaj.
Ai nënvizoi se SHBA-të mbajnë dy grupe sulmi aeroplanmbajtëse dhe avionë luftarakë F-22 në Lindjen e Mesme për të siguruar mbrojtjen e Izraelit dhe trupave amerikane në rajon.
