Ministri i Financave Petrit Malaj në daljen para mediave u shpreh që është rishikuar buxheti i vitit 2024 duke rritur të ardhurat në vlerën 267 miliardë lekë.
“Më konkretisht, kemi rritur financimet shtesë për ministrinë e Bujqësisë me 500 milionë lekë për skemën e granteve të fermerëve. Kemi rritur 200 milionë lekë për ministrinë e Shëndetësisë për projekte të shërbimit të kujdesit parësor dhe dytësor dhe për ministrinë e Brendshme me 1.3 miliardë lekë për kompensimin ushqimor të policisë, krahas orëve shtesë të punës dhe fondet për ministrinë e Arsimit me 300 milionë lekë për shpërblimin e sportistëve që kanë arritur rezultate të mira. Kemi rritur financimet dhe për Ujësjellës Kanalizimet me 2 miliardë lekë”, tha Malaj.
Ai tregoj se do të vijoj buxheti në financimin e infrastrukturës kombëtare dhe rurale, të cilat do të luajnë rol kyç në zhvillimin ekonomik të vendit.
