Ministri i Financave, Petrit Malaj u shpreh se qeveria ka miratuar në mbledhjen e sotme marrëveshjen e pensioneve me Poloninë, ndërsa vazhdojnë negociatat me Greqinë.
“Kjo është marrëveshja me Poloninë, është e 10-të me vendet e BE-së për t’ju njohur vitet e punës. Negociatat me qeverinë greke janë intensive nga pala shqiptare.
Ne jemi besimplotë se do ta konkludojmë një marrëveshje të tillë. Ka kushte dhe negociata që po diskutohen për shkak edhe të numrit të madh të shqiptarëve në Greqi” tha ai.
