Serbia dhe Franca nënshkruan një marrëveshje të rëndësishme për blerjen e avionëve ushtarakë Rafale, vlera e së cilës arrin në 3 miliardë euro, gjatë vizitës dyditëshe të Presidentit francez Emmanuel Macron në Beograd.
Macron theksoi në një shkrim në të përditshmen serbe Politika se “Beogradi mund të ruajë qëndrimin e tij të pavarur vetëm nën kujdesin e BE-së,” dhe i bëri thirrje Serbisë që të shmangë iluzionin e balancimit midis fuqive të mëdha.
Në lidhje me çështjet e tjera të diskutuar gjatë vizitës, Macron dhe Presidenti serb Aleksandar Vuçiç do të shqyrtojnë çështje të rëndësishme si energjia dhe inteligjenca artificiale.
Macron gjithashtu ritheksoi angazhimin për marrëveshjen e normalizimit të marrëdhënieve me Kosovën, duke theksuar se propozimi franko-gjerman “ruan mundësinë që serbët të jetojnë në Kosovë duke respektuar ligjin dhe identitetin e tyre,” përfshirë krijimin e Asociacionit të komunave me shumicë serbe, një çështje e vështirë e bisedimeve.
