Dy anije të kompanisë “Maersk”, të ngarkuara me mbetje toksike nga furrat e çelikut të “Kurum”, zbarkuan në portet e Singaporit më 18 dhe 24 gusht, përpara se të nisnin rrugën e kthimit për në Shqipëri.
Anijet “Compton” dhe “Condor” përdorën portin “Pasir Panjang” për të kaluar në dy anije të tjera dhe për të udhëtuar përsëri drejt origjinës, raportojnë mediat lokale.
Autoritetet e Singaporit, përmes Agjencisë Kombëtare të Mjedisit dhe Autoritetit Detar, konfirmuan se “në përputhje me Konventën e Bazelit, Singapori lehtësoi kthimin e kontejnerëve në vendin e origjinës”.
Sipas Basel Action Network, Shqipëria dhe vendet tranzit nuk ishin njoftuar për eksportin e mbetjeve, dhe Tajlanda nuk kishte marrë asnjë informacion për këto materiale. Zbulimi ka vënë në hetim kompaninë turke “Kurum”, e dyshuar për prodhimin e mbetjeve toksike.
