Banorët e Thumanës me anë të një njoftimi lajmërojnë që nesër në orën 17:00 do të zhvillojnë protestën para Parlamentit.
“Grabitja që i bëhet këtij segmenti nuk është vetëm humbje për ne, por për të gjithë,” thuhet në njoftimin e tyre.
Ata kërkojnë që të sigurohet hyrja dhe dalja në autostradën SH1, e cila është një arterie kryesore për transportin dhe zhvillimin e zonës.
Banorët kërkojnë që të gjithë të bashkohen në protestën që do të zhvillohet nesër para Parlamentit, në mënyrë që të shprehen të gjitha shqetësimet dhe të kërkohet zgjidhje nga autoritetet kompetente.
