Pas më shumë se 8 orësh është mbyllur mbledhja e qeverisë dhe kryeministri Edi Rama së bashku me kabinetin qeveritar dhe drejtues institucionesh janë larguar nga rezidenca qeveritare në Dajt.
Mësohet se fokusi kryesor ka qenë angazhimi dhe sfida e mazhorancës qeverisëse për zgjedhjet parlamentare të 2025. Të majtëve u është prezantuar një strategji komunikimi në raport me institucionet dhe me publikun përgjatë këtij viti elektoral.
Gjithashtu është diskutuar edhe integrimi për të nisur hapjen e kapitujve të parë në vjeshtë, por edhe për vijimin e reformave të brendshme me kusht që të përfitojmë paratë nga Brukseli.
Të gjithë ministrat, pas prezantimit të tyre, janë njohur dhe me objektivat që duhet të realizojnë deri ditën e zgjedhjeve të ardhshme parlamentare.
