Ditën e sotme kryeministri Edi Rama ka mbledhur qeverinë duke vijuar me traditën e përvitshme për një takim informal përpara nisjes së sezonit politik të vjeshtës.
Takimi po zhvillohet në vilën qeveritare në Dajt. Ai është me dyer të mbyllura dhe ka nisur në orën 10:00, pritet të mbyllet rreth orës 18:00.
Kryeministri Rama ka mbërritur në orët e para të mëngjesit, rreth orës 08:30. Mbledhja është e ndarë në disa blloqe, ai social, i drejtorëve dhe i komunikimit.
Të pranishëm në mbledhje janë, ministrat, kryetaret e komisioneve, kryetarja e Kuvendit, nënkryetari i Kuvendit, kryetari grupit parlamentar në PS, si dhe drejtorët e institucioneve në varësi të kryeministrit.
