Një gjykatës federal refuzoi të martën kërkesën e Donald Trump për të transferuar çështjen e tij penale për pagesat e bëra për të siguruar heshtjen e Stormy Daniels nga gjykata e shtetit të Nju Jorkut në një gjykatë federale.
Gjykatësi Alvin Hellerstein vendosi se nuk kishte prova të mjaftueshme për të ndërhyrë në çështjen që përfshin akuzat për falsifikim të dokumenteve për të ndikuar në zgjedhjet e vitit 2016.
Ky vendim i lë çështjen në gjykatën e shtetit të Nju Jorkut, ku është caktuar një datë për dhënien e masës së dënimit më 18 shtator.
Avokatët e Trump kërkojnë që dënimi të shtyhet deri pas zgjedhjeve të nëntorit dhe gjithashtu që të rrëzohet vendimi i fajësisë, ndërsa prokurorët e Manhatanit kundërshtojnë shtyrjen e procedurave.
