Atletja nga Uganda, Rebecca Cheptegei, e cila mori pjesë në maratonë në Lojërat e fundit Olimpike në Paris, ka vdekur në spitalin kenian ku u shtrua pasi u lye me benzinë dhe u dogj nga i dashuri i saj.
“Fatkeqësisht ne e humbëm” tha Owen Menach, drejtor në detyrë i Spitalit Referral në Eldoret, Kenia perëndimore.
Ngjarja ndodhi të dielën e kaluar në qarkun kenian të Trans Nzoia (perëndim), nga ku atletja 33-vjeçare u dërgua me urgjencë në spital me djegie në 80% të trupit të saj.
