Qeveria shqiptare ka miratuar një financim prej 250 milion lekësh për Komisionin Qendror të Zgjedhjeve (KQZ) për të mundësuar regjistrimin online të emigrantëve në zgjedhjet e ardhshme.
Ky fond do të përdoret për ndërtimin e një platforme elektronike që do të lehtësojë procesin e votimit të shqiptarëve jashtë vendit. Rregullat për regjistrimin e emigrantëve pritet të miratohen deri më 10 shtator, ndërsa sistemi do të duhet të jetë funksional deri në mars 2025.
Ky hap është pjesë e përgatitjeve për zgjedhjet e përgjithshme që do të zhvillohen në pranverë të 2025-s.
