Kryeministri Edi Rama teksa po prezantonte platformën ‘Deputeti që Duam’ u shpreh se duhet një parti që të jetë pasqyrë e të gjithë forcave të progresit në vend.
“Sot ne nuk matemi ku ishim, matemi ku duam të jemi në 2030. Ndaj na duhet një energji ende më e madhe, një PS që të jetë pasqyra ambicieje jo thjeshtë të vetvetes por të shoqërisë për Shqipërinë”, tha Rama.
Më tej ai u shpreh se ambicia është që të synohet që Partia Socialiste 2030 të jetë partia e 1 milionë shqiptarëve aktivë.
“Zgjedhësit tanë janë mbi 700 mijë, ambicia jonë është që në të synojmë që PS 2030 të jetë partia e 1 milion shqiptarëve aktivë. Jemi gati tu presim krah hapur dhe t’ju ofrojmë drejt destinacionit që mendoni për vetën tuaj. Besoj që në fund të këtij procesi mund të kemi qindra aplikantë. Numri i deputetëve të skuadrës së PS është shumë më i vogël se ky numër. Beteja e pranverës së ardhshme dhe përpjeka për tu nxitur drejt 2023 ka nevojë për më shumë njerëz se grupi parlamentar”, tha kryeministri.
