Dy persona kanë mbetur të vrarë me armë zjarri këtë të martë në Roskovec të Fierit. Ngjarja ka ndodhur në fshatin Kurjan, në rrethana dhe për shkaqe momentalisht të panjohura.
Viktimat janë Lavdimir Kurtaj dhe Gramos Kurtaj. Ndërsa autor i dyshuar i krimit të rëndë është Altin Kuka 49 vjeç. Ky i fundit ai mësohet se është vetëdorëzuar në polici së bashku me armën e krimit.
“Rreth orës 14:00, në fshatin Kurjan, dyshohet se shtetasi A. K., 49 vjeç, ka vrarë me armë zjarri, shtetasit L. K. dhe G. K. Shtetasi A. K. është shoqëruar në Komisariat, për kryerjen e veprimeve procedurale.
Arma e zjarrit është sekuestruar në cilësinë e provës materiale. Grupi hetimor po punon për sqarimin e plotë të rrethanave të rastit“, tha policia e Fierit në një informacion paraprak për mediat.
