Në Vicenza, Itali, një shtetas shqiptar është arrestuar për thyerjen e masës mbrojtëse dhe kërcënimin e ish-partneres së tij.
Shqiptari, identiteti i të cilit është K.S., kishte një urdhër gjykate që e ndalonte të afrohej më shumë se 500 metra nga ish-partnerja. Megjithatë, ai u kap duke përndjekur dhe kërcënuar gruan, e cila e denoncoi.
Gjatë arrestimit, karabinierët zbuluan gjithashtu rreth 5 gramë kokainë të ndarë në gjashtë doza, që i duheshin për shpërndarje. Autoritetet po hetojnë për lidhjet e mundshme të K.S. me rrjetet e narkotrafikut dhe janë duke shqyrtuar masa të tjera mbrojtëse për viktimën.
