Prokuroria e Posaçme (SPAK) ka ngritur akuzat ndaj ish-kryebashkiakut të Himarës, Jorgo Goro, dhe disa ish-zyrtarëve për tjetërsimin e pronave në favor të Artan Gaçit, bashkëshortit të ish-ministres Olta Xhaçka. Goro akuzohet për “Shpërdorim detyre” në bashkëpunim dhe është arrestuar në mars të këtij viti.
Hetimet e SPAK zbuluan se Goro dhe Jerasimo Bushi falsifikuan dokumente për të regjistruar 5512 m² tokë bujqësore të shtetit në pronësi të një shoqërie private të përfaqësuar nga Artan Gaçi. Në total, janë tjetërsuar rreth 10 mijë m² tokë.
Kreut të kadastrës në Vlorë, Bilbil Aliaj, iu është caktuar masa e “detyrimit të paraqitjes”, ndërsa ish-zyrtarët Vezir Gjikoka dhe Stavri Mëhilli janë në “arrest në shtëpi” dhe “arrest me burg” në mungesë, respektivisht. SPAK ka kërkuar edhe masë sigurie në burg për Jorgo Goron dhe ka sekuestuar 4900 m² tokë të përfituar nga ish-kryebashkiaku i Himarës, Arqile Bollano.
