Policia e Lezhës arrestoi një 57-vjeçar pasi akuzohet për mashtrim. 57-vjeçari me iniciale R.M., banues në Tiranë, dyshohet se në bashkëpunim me një person tjetër kanë përfituar 3 000 000 lekë nga administratori i një subjekti privat.
Ata kanë komunikuar me administratorin e subjektit privat me anë të aplikacionit “Signal”, në emër të përfaqësuesit të një institucioni vendor.
Ndërkohë po vijon hetimet për identifikimin dhe kapjen e personave të tjerë të përfshirë në këtë skemë mashtrimi.
Ndërsa materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprën penale “Mashtrimi” me pasoja të rënda, kryer në bashkëpunim.
