Pasditen e sotme një person është aksidentuar teksa po tentonte që ti ikte policisë.
Ai ishte i shpallur në kërkim pasi akuzohej për mashtrim dhe për t’iu shmanguar policisë ka përfunduar në lumin Lana së bashku me motorin që drejtonte.
Janë të paktën 12 raste ku qytetarët e kishin denoncuar për veprën penale për mashtrim. Ai pikaste të moshuar të ndryshëm dhe prezantohej si zyrtar i Bashkisë së Tiranës, ku u premtonte se kanë përfituar grante nga bashkia.
Gjatë mashtrimeve ai kishte arritur që ti merrte të moshuarve nga 200 deri në 800 mijë lekë të vjetra.
Ai është dërguar në spital dhe ndodhet jashtë rrezikut.
