Papa Françesku ka kritikuar ashpër dy kandidatët presidencialë në SHBA, Donald Trump dhe Kamala Harris. Ai i përshkroi zgjedhjen që votuesit amerikanë duhet të bëjnë si “zgjedhje e të keqes më të vogël”.
“Qytetari duhet të zgjedhë të keqen më të vogël nga dy të këqijat. Kush është më e vogla nga dy të këqijat? Ajo zonjë apo ai zotëri? Nuk e di”, tha Papa Françesku gjatë një konference për shtyp, duke iu referuar Harris dhe Trump.
Më pas ai tha se gjatë viteve çështja e abortit nuk mund të izolohet nga shqetësimet e tjera të të drejtave të njeriut, si emigracioni.
“Të largosh emigrantët, t’i lësh ku të duash, t’i lësh… është diçka e tmerrshme, ka të keqe atje. Të largosh një fëmijë nga barku i nënës është një atentat, sepse ka jetë. Duhet të flasim qartë për këto gjëra”, tha Papa Françesku.
