Tensionet mes Serbisë dhe Kosovës mbeten të larta. Në një intervistë për emisionin “5 Pyetje nga Babaramo,” juristi Kreshnik Spahiu paralajmëroi se nëse kryeministri Albin Kurti vazhdon të sfidojë qëndrimet perëndimore, Kosova mund të përjashtohet nga Procesi i Berlinit.
Spahiu shtoi se pas vizitës së shefit të CIA-s në rajon, William Burns, Kurti dhe Vuçiç janë tërhequr nga ‘ura Ibrit’ dhe ‘bojkoti’.
“Pas takimit me shefin e CIA-s, të dy janë paralajmëruar për pasojat e çdo zhvillimi të ri në rajon. Vuçiç ka hequr dorë nga taktika e bojkotit. Rikthimi në institucione dhe kërkesa për krijimin e asociacionit janë një tërheqje e qartë nga kërcënimet ushtarake të Beogradit. Këto veprime janë të koordinuara me shefin e CIA-s, dhe edhe dërguari i posaçëm i Gjermanisë, Manuel Sarrazin, ka mbajtur një qëndrim të ashpër ndaj të dy palëve.” tha Spahiu.
