Një oficere e policisë gjyqësore në Prokurorinë e Elbasanit u procedua penalisht nga SPAK.
Anila Dushku i ka kërkuar Hava Llogës një shumë prej 1 000 euro si shpërblim për të pushuar çështjen penale në ngarkim të djalit të saj, për veprën penale “Ndërtimi i paligjshëm”.
Oficerja e policisë akuzohet për veprën penale “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë” dhe ndërsa ndaj saj është caktuar masa e sigurisë “arrest shtëpie”.
Ndërkohë hetimet për këtë procedim vazhdojnë me administrimin e provave të tjera për sqarimin e plotë të rrethanave të kësaj ngjarjeje.
