U arrestua me gruan dhe dy vajzat, GJKKO kalon për gjykim dosjen e shoferit të ish-kryepolicit Ardi Veliu dhe familjarëve të tij.
Gjykata e Posaçme pranoi kërkesën e të pandehurve për gjykim të shkurtuar, ku në rast dënimi ata përfitojnë 1/3 e dënimit.
Këta persona akuzohen për për grup kriminal, kontrabandë mallrash, mos deklarim të ardhurash, pastrim parash dhe ushtrim pa licencë të aktiviteteve financiare.
Në muajin maj të vitit 2023, Sokol Idrizaj, gruaja e tij Elda Idrizaj, dhe dy vajzat e tyre u vendosën nën akuzë nga SPAK, me dyshimet se ishin anëtarë të një grupi kriminal.
Në kuadër të këtij procedimi në total u arrestuar 12 persona. Këta shtetas dyshohet se kanë transportuar sende të vjedhura dhe me vlerë të çmuar nga shteti francez drejt Shqipërisë.
