Këshilltari për Çështjet Ekonomike në Partinë Demokratike Dorjan Teliti me anë të një postimi në rrjetet sociale shprehet se ka depozituar në Këshillin Bashkiak projektvendimin për vendosjen e një grafiku për pagesën e taksës së infrastrukturës.
Teliti thotë që “kjo masë e propozuar do ketë rezultate pozitive si në rritjen e konkurrencës në sektorin e ndërtimit, ulje të kostove të ndërtimit dhe automatikisht edhe uljen e çmimeve të shitjes”.
Ai u bën thirrje këshilltarëve të mazhorancës që ta mbështesin këtë propozim, nga i cili fiton si familjari ashtu edhe sipërmarrja e ndershme e kryeqytetit.
