Kryediplomati francez, Jean-Noël Barrot, njoftoi se Franca dhe SHBA-të po punojnë për një armëpushim 21-ditor, me qëllim uljen e tensioneve mes Izraelit dhe Hezbollahut, pas një konflikti që ka shkaktuar mbi 600 të vdekur në Liban.
Propozimi pritet të publikohet së shpejti, me shpresën se të dy palët do ta pranojnë pa vonesë. Sekretari i Shtetit amerikan, Antony Blinken, theksoi angazhimin për të arritur një marrëveshje që do të stabilizonte situatën dhe do të ndihmonte në kthimin e të zhvendosurve në shtëpitë e tyre.
Tensionet e vazhdueshme kanë shkaktuar frikë për një konflikt më të gjerë rajonal.
