Dy punonjës të një agjencie turistike janë arrestuar në Tiranë, pasi akuzohen se përfituan 15 mijë euro duke mashtruar klientët.
Operacioni, i koduar “Travel”, zbardhi se ata merrnin para për rezervimin e biletave dhe akomodimit, por blinin vetëm biletat për vajtje.
Të arrestuarit, K. K. (22 vjeç) dhe R. H. (24 vjeç), përballen me akuza për mashtrim, fshehje të të ardhurave dhe mos pagesë taksash. Materialet procedurale janë dorëzuar në Prokurori.
