Një tërmet me magnitudë 4 të shkallës Rihter ka goditur mëngjesin e sotëm zonën kufitare mes Shqipërisë dhe Greqisë, konkretisht në Çamandë të Filatit. Lëkundjet sizmike ndodhën në orën 06:14 dhe u ndjenë në qytetin e Sarandës, duke shkaktuar shqetësim te banorët.
Sipas të dhënave paraprake, nuk ka raportime për dëme materiale apo të lënduar, megjithatë, lëkundjet e forta zgjuan shumë banorë. Institucionet përkatëse po monitorojnë situatën dhe do të ofrojnë informacion të mëtejshëm në rast zhvillimesh të tjera.
