Komisioni Antikorrupsion i drejtuar nga Fatmir Xhafaj pothuajse po shkon drejt dështimit. Pas opozitës, sot ishin katër institucione të pavarura që i dhanë goditjen duke refuzuar pjesëmarrjen.
Gjykata Kushtetuese, Gjykata e Lartë, Prokuroria e Posaçme dhe Inspektorati i Lartë i Drejtësisë kanë refuzuar ftesën e deputetit Fatmir Xhafaj për t’u bërë pjesë e Komisionit Anti-Korrupsion, të krijuar nga Partia Socialiste.
Në letrën drejtuar Fatmir Xhafajt, firmosur nga kryetari i gjykatës së Lartë Sokol Sadushi argumentohet se nuk vlerësohet si zgjidhje e përshtatshme në përmbushje të misionit të Komisionit të Posaçëm por se janë gati të japin opinionin. SPAK e cilëson të panevojshme duke i dhënë një tjetër goditje direkte.
SHBA-BE kanë deklaruar se do të monitorojë këtë komision që nga opozita cilësohet si tentativë për të kapur drejtësinë e re. KLSH është institucioni i vetëm i pavarur që pranoi të marrë pjesë.
