Një 55-vjeçar shqiptar është arrestuar nga policia greke në një operacion kontrolli, pasi u kap me armë zjarri pa leje. Gjatë kontrollit në automjetin e tij, skuadra “DIAS” zbuloi një pistoletë TT me dy krehëra, e cila përmbante gjithsej 14 fishekë.
Po ashtu, në mjetin e tij u gjetën dy thika, një taser elektrik, një pajisje spërkatëse me piper dhe disa mjete që mund të përdoren për hapjen e dyeresh. Policia greke ka nisur hetimet për të zbuluar qëllimet e 55-vjeçarit, duke shqyrtuar mundësinë që ai të ketë pasur në plan kryerjen e ndonjë grabitjeje.
Hetuesit janë të angazhuar për të zbuluar më shumë detaje rreth kësaj ngjarjeje të dyshimtë.
