Avokatët e kryetarit të PD-së, Sali Berisha dhe të dhëndrit të tij Jamarbër Malltezi dorëzuan të shtunën argumentet në Prokurorinë e Posaçme, sa i përket materialit hetimor 500 faqe për privatizimin e ish-klubit sportiv “Partizani”.
Mbrojtja ligjore e Jamarbër Malltezit ka bërë 250 faqe argumente, ku pretendohet se nuk ka vepër penale. Sa i përket pasurive, avokatët pretendojnë se janë të gjitha me burime të ligjshme. Fatmir Bektashi dorëzoi një material prej 15 faqesh.
Materialet i janë dorëzuar strukturës së posaçme, ndërkohë që SPAK pritet të kalojë dosjen për gjykim në Gjykatën e Posaçme dhe kjo gjykatë do të ketë 10 ditë kohë për të caktuar gjyqtarin përmes shortit si dhe seancën paraprake.
