Fatmir Xhafaj ka komentuar dënimin e Ervin Salianjit, duke thënë se s’do donte të shihte një politikan në burg për kallëzim të rremë, por theksoi se veprimet e tij ishin të rënda.
Ai shprehu se ka pritur për gjashtë vite që historia të sqarohet dhe se familja e tij është dëmtuar shpirtërisht për fakte të pavërteta.
“Unë s’do doja të shihja një politikan në burg për kallëzim të rremë, por është e rëndë ajo që ka bërë. Ka 6 vite që çfarë nuk kam dëgjuar për këtë histori dhe familja ime është vrarë shpirtërisht për fakte të pavërteta. Ervin Salianji nuk është dënuar për atë që tha për vëllanë tim, por është dënuar sepse me qëllim ka krijuar prova të rreme për të inicuar një proces penal ndaj vellait tim me synimin që të më godasë mua si politikan. Sepse deri tani është trajtuar sikur është dënuar pse bëri kallëzim publik”, tha Fatmir Xhafaj.
