SPAK ka mbyllur hetimet për kreun e Partisë Demokratike Sali Berisha dhe dhëndrin e tij Jamarbër Malltezi.
Të pandehur për këtë dosje janë Sali Berisha, dhëndri i tij Jamarbër Malltezi, biznesmenët Fatmir Bektashi e Xhimi Begeja dhe noterja Andia Pustina.
Dosja i ka kaluar Gjykatës së Posacme e cila do të vendosë nëse duhet të kalojë apo jo për gjykim.
Përfaqësuesit e akuzës Arben Kraja dhe Enkeleda Millonai dorëzuan të martën e 15 tetorit materialin në gjykatë, teksa kjo e fundit pritet që të hedh shortin për të caktuar trupën gjykuese ku në listën e 10 gjyqtarëve nuk përfshihet emri i Irena Gjokës.
Ditën e nesërme në orën 09:00 do të hidhet shorti për të përcaktuar trupën gjykuese.
