Grupi Parlamentar i PD-së ka njoftuar se do të depozitojë një kallëzim penal në SPAK kundër Kryetares së Kuvendit, Elisa Spiropali, ministrit të Brendshëm, Ervin Hoxha, dhe drejtorëve të Policisë për kërcënimin me armë të deputetëve Luan Baçi dhe Bledion Nallbati.
Opozita pretendon se një punonjës i forcave speciale nxori armën gjatë protestës përballë Parlamentit.
Deputeti Baçi deklaroi se policia e kanosi atë teksa po hynte në Kuvend, duke e quajtur situatën një shkelje të rëndë të të drejtave të deputetëve.
