Protestë, dhunë dhe përplasje të forta në oborrin e Parlamentit. PD pretendon se njëri nga efektivët tregoi armën dhe kërcënoi dy deputetët Luan Baci dhe Bledjon Nallbati.
PD ka shpërndarë edhe pamjet në media të këtij momenti kur efektivi drejton dorën në brez, por nuk ka pamje më tej që të ketë nxjerrë pistoletën dhe të ketë kërcënuar deputetët apo protestuesit. Policia e mohoi pretendimin duke thënë se policët nuk ishin të pajisur me armë.
Debati i dytë lidhet me faktin se përse FNSH u lejua nga Garda që të futet brenda oborrit. Kreu i Gardës, Ermal Onuzi ka debatuar duke u kërkuar llogari vartësve të tij se përse lejuan FNSH-në që të futet brenda pasi sipas tyre situata ishte e menaxhueshme.
