Presidenti i Partisë së Lirisë Ilir Meta me anë të një postimi në rrjete sociale ka reaguar në lidhje me vendimin e Gjykatës së Romës për rikthimin e emigrantëve në Itali.
Meta shprehet se me këtë vendim u rrëzua edhe Gjykata Kushtetuese e Shqipërisë.
“Vendimi i Gjykatës së Romës për të rrëzuar paktin Rama-Meloni rrëzon edhe Gjykatën Kushtetuese të Shqipërisë, si një institucion të uzurpuar nga Edi Rama që shkel Kushtetutën, Konventën Europiane të të Drejtave të Njeriut, ligjet ndërkombëtare të refugjatëve dhe marrëveshjet shqiptaro-italiane për refugjatët”, shkruan Meta.
