Armando Broja vazhdon rikuperimin nga dëmtimi që e ka mbajtur jashtë fushave që nga vera e këtij viti. Trajneri i Evertonit, Shon Dajç, shprehu optimizëm për rikthimin e tij gjatë një konference për media para ndeshjes ndaj Ipsuiç.
Dajçi theksoi se Broja është duke bërë përparim dhe se ndodhet nën mbikëqyrjen e stafit mjekësor. “Broja është në fazën e rikuperimit dhe do t’i nevojitet një program ndeshjesh. Ai po punon aktivisht dhe shpresojmë që së shpejti të bashkohet me grupin,” tha Dajçi.
Evertoni është i kujdesshëm për kthimin e Brojës, duke u siguruar që ai të jetë plotësisht i gatshëm përpara se të rikthehet në fushë, duke përfituar nga marrëveshja me Çelsin që parashikon që klubi të mos paguajë rrogën derisa ai të jetë aktiv për ndeshje.
