Qeveria italiane nuk ka në plan të ndalojë dërgimin e azilkërkuesve drejt qendrave të Shëngjinit dhe Gjadrit.
Qeveria Meloni pritet të miratojë të hënën një dekret ligjor me një listë të vendeve të sigurta, që do të përditësohet çdo 6 muaj.
Vendet e sigurta nënkuptojnë ato ku respektohen të drejtat e njeriut dhe demokracia. Seksioni i imigracionit në Gjykatën e Romës nuk i njohu Bangladeshin dhe Egjiptin, dy shtetet e origjinës së emigrantëve të transportuar në Shqipëri, si “vende të sigurta”.
Vendimi i Gjykatës se Romës që urdhëroi kthimin urgjent në Itali të 12 emigrantëve ka rritur tensionet politike në Itali.
