Presidenti Bajram Begaj gjatë vizitës në Sarajev ka zhvilluar një takim me shqiptarët që jetojnë në Bosnjë dhe Hercegovinë.
Begaj gjatë takimit vlerësoi integrimin natyror të komunitetit shqiptar në shoqërinë e Bosnjë-Hercegovinë, duke u zotuar për adresimin e shqetësimeve të tyre.
Gjithashtu ai tha se ka ngritur shqetësimin e mospërfaqësimit të tyre në politikë, në strukturat lokale dhe ato qendrore.
Begaj përgëzoi përpjekjet për ruajtjen e gjuhës, traditave, identitetit kombëtar, ndërsa siguroi se do të jetë krah shqiptarëve në Bosnjë dhe Hercegovinë në mënyrë që ata t’i gëzojnë këto të drejta, ashtu si minoriteti boshnjak dhe serb në Shqipëri.
