Një agjenci private investigimi e njohur si “Equalize” ka kryer sulme kibernetike ndaj institucioneve italiane, duke përfshirë Policinë dhe Drejtorinë e Tatimeve, si dhe duke hackeruar emailin e Presidentit Sergio Mattarella. Sipas raportimeve nga mediat italiane, hakerat arritën të depërtojnë në informacione sekrete, me qëllim shantazhimin.
Autoritetet kanë identifikuar Enrico Pazzali, ish-polici Carmine Gallo dhe Nunzio Calamucci si autorët e sulmit. Calamucci është raportuar si anëtar i grupit të hakerave Anonymous dhe grupi kishte akses në të dhëna të ndjeshme për më shumë se 800,000 raste në Itali.
Hulumtimet sugjerojnë se agjencia “Equalize” mund të ketë korruptuar individë me akses në sistemet e policisë ose të ketë rekrutuar ata përgjegjës për mirëmbajtjen e serverave në ministrinë e Brendshme. Gjyqtari Fabrizio Filice ka lënë në liri Pazzalin, ndërsa Gallo është vendosur nën arrest shtëpiak.
