Francesco Totti po shqyrton një rikthim në futboll në moshën 48-vjeçare. Ish-kapiteni legjendar i Romës konfirmoi se dy klube të Serie A janë të interesuara për të, duke shprehur se ka hapa konkretë në këtë drejtim.
Totti tha se është i përgatitur të stërvitet për dy muaj para se të rikthehet në fushë, duke theksuar se do të dëgjojë trupin e tij përpara se të marrë një vendim. Ai po merr pjesë në turneun EA7 World Legend Padel Tour në Miami, ku nënvizoi se rikthimi i tij në futboll nuk është një shaka.
“Kam disa ekipe që më presin. Tani le të shohim se si do të reagojë trupi im,” tha ai.