Bullgaria po mban sot zgjedhjet e parakohshme parlamentare, përfshirë edhe qytetarët bullgarë që jetojnë në Shqipëri. Për këtë arsye, janë hapur disa qendra votimi në vend, duke ofruar mundësinë për të votuar për ata me letërnjoftim ose pasaportë bullgare.
Një qendër votimi është vendosur në Kukës, në Pallatin e Kulturës, dhe procesi ka filluar në orën 7:00, duke vazhduar deri në orën 20:00. Deri tani, votimi po zhvillohet normalisht pa incidente. Qendra të tjera votimi janë hapur gjithashtu në Tiranë, Elbasan dhe Korçë.
Këto zgjedhje janë të rëndësishme pasi janë hera e shtatë në tre vjet e gjysmë që qytetarët e Bullgarisë dalin për të votuar, pas pamundësisë së formimit të një qeverie të re pas zgjedhjeve të mëparshme në qershor.
