Deputeti i Partisë Demokratike Arbër Hoxha i ftuar në emisionin 5 pyetjet nga Babaramo foli rreth protestës që do të zhvillohet ditën e nesërme.
“Nga ora 17:00 deri në 20:00 do të bllokohen gjashtë nyje, nga Casa Italia deri në Levan. Opozita gjithmonë ka protestuar, është minimumi që mund të bëjmë. Qeveria ka ngelur te pensionistët, emigrantët dhe te mbyllja e gojës së opozitës. Duhet qeveri teknike për të garantuar zgjedhje të lira dhe të ndershme”.
Hoxha i bën thirrje njerëzve të ndershëm që të ngrihen dhe të bashkohen në protestë.
Ai thekson që qëllimi i protestës është të tregohet që qeveria duhet të largohet.
Kreshnik Spahiu tha se në protestë janë katër objektiva kauza, numri, fryma që krijon dhe vazhdimësia. Ai thotë që protesta pas arrestimit të Salianjit kishte më shumë faktorë sesa protesta për Ilir Metën, pasi ai nuk i bashkon si kundërshtar të përbashkët të Ramës.
“Protesta e opozitës nuk është kreative, bllokimi i rrugëve i përket viteve 98′. Kjo nuk është mosbindje civile pasi del përtej numrit të partisë. ndërsa vazhdimësia po ta vësh re të njëjtat persona janë para bashkisë, te Berisha, Parlament etj. “, tha Spahiu.
