Izraeli miratoi një ligj që ndalon operimin e agjencisë së OKB-së për refugjatët palestinezë, UNRWA, duke e cilësuar atë si të përfshirë në aktivitete terroriste. Ligji, që hyn në fuqi pas 90 ditësh, ka alarmuar Kombet e Bashkuara dhe aleatët perëndimorë, të cilët frikësohen se kjo do të përkeqësojë situatën humanitare në Gazë.
Kryeministri Benjamin Netanyahu tha se ndihma humanitare për civilët do të vazhdojë, por në kushte që nuk rrezikojnë sigurinë e Izraelit. Philippe Lazzarini, kreu i UNRWA-s, e quajti këtë veprim një “precedent të rrezikshëm” dhe një tentativë për të diskredituar agjencinë, e cila ofron ndihmë për miliona palestinezë.
Marrëdhëniet mes Izraelit dhe UNRWA-s janë përkeqësuar ndjeshëm që nga fillimi i luftës në Gazë.
Guterres: Ndalimi i UNRWA-s në Izrael ka pasoja shkatërruese për refugjatët
