Lulzim Basha ka reaguar për atentatin në Shkodër, duke e cilësuar situatën alarmante. Ai theksoi se krimi është bërë njësh me shtetin dhe po vepron i pandëshkuar, duke sjellë vdekje dhe terror.
Basha akuzoi kryeministrin Rama për dorëzim ndaj bandave kriminale dhe kërkoi një reagim të menjëhershëm për rikthimin e rendit dhe sigurisë.
Reagimi i plotë i Bashës:
Sot Shkodra është tronditur nga dora e krimit. Krimi i bërë njësh me shtetin godet i pandëshkuar, duke sjellë vdekje, terror dhe dhimbje.
Ngjarja e Shkodrës është një kambanë e fortë alarmi, që tregon dorëzimin e shtetit para bandave kriminale.
Krimi e solli në pushtet Edi Ramën, sot ai i është dorëzuar pushtetit të krimit.
