Kryeministri Edi Rama do të jetë nesër në Selanik për një takim me shqiptarët e Greqisë, në kuadër të turit “Krenar për Shqipërinë”.
Në një mesazh në rrjetet sociale, ai theksoi se shumë shpejt, Shqipëria do të jetë krah për krah me Greqinë në Bashkimin Evropian.
Ky takim vjen pas një vizite të mëparshme të Ramës në Greqi, ku ai u takua me shqiptarët në Athinë, në një moment të tensionuar për marrëdhëniet mes dy vendeve për shkak të çështjes Beleri.
Vetëm disa ditë më parë, Rama gjithashtu u takua me diasporën në SHBA, duke kërkuar mbështetje për Partinë Socialiste dhe investime në Shqipëri.
