Kryeministri Edi Rama, gjatë takimit me bashkëkombësit në Selanik, theksoi se shqiptarët janë një model bashkëjetese. Ai përshkroi Selanikun si një urë lidhëse mes lindjes dhe perëndimit, duke nënvizuar historinë e thellë të bashkëpunimit që ky qytet ka ofruar për rrethinat e tij.
Rama shprehu krenari për kombin e tij dhe theksoi se muaji nëntor, i njohur si muaji kuq e zi i pavarësisë dhe çlirimit, është një kohë e veçantë për shqiptarët.
“Selaniku është një urë lidhëse mes lindjes dhe perëndimit . të takosh shqiptarë në Selanik është një mundësi për të depërtuar thellë në një histori të thellë të bashkëpunimit, që një qytet si ky, ka ditur gjithmonë t’u ofrojnë botëve që e rrethojnë. Unë jam këtu sot me ju, që sapo ka hyrë nëntori, muaji ynë kuq e zi i pavarësisë dhe i çlirimit. Dy ditët dhe dy datat tona më kuptimplota për të sotmen tonë evropiane, porsi shqiptarë dhe si selanikas, ju keni kremtuar festën e pajtorit të qytet të Shën Dhimitrit, është më shumë se një pajtor qyteti”, tha ai.
“Ju duhet t’ua mësoni me krenari fëmijëve tuaj që ka qenë një shqiptar që e ka shpëtuar Selanikun dhe i ka dhënë shansin të gjejë vendin në bashkësinë e shtetit modern grek,” tha Rama, duke theksuar rëndësinë e kulturës dhe identitetit shqiptar në këtë kontekst.
