Ministri i Financave Petrit Malaj në Komisionin e Veprimtarisë Prodhuese, teksa po prezantonte buxhetin e vitit 2025 tha se rivlerësimi i pasurive do të bëhet paralelisht me çmimet e reja.
“Pjesa e rivlerësimit të pasurive të paluajtshme do të bëhet paralelisht me çmimet e reja të referencës që po vlerësohen në të gjithë territorin e Shqipërisë, në mënyrë që nga procesi i rivlerësimit të përfitojnë të gjithë qytetarët shqiptare, jo vetëm ata që duan të kryejnë disa shitje brenda 2024”, tha Malaj.
Ministri theksoi se është një proces që do të zgjasë edhe vitin e ardhshëm derisa të përcaktohen çmimet e referencës.
