Pas fitores ndaj rivales së tij, Kamala Harris, Donald Trump ka siguruar një mandat të dytë dhe është bërë Presidenti i dytë në historinë e SHBA-së që rikthen drejtimin e Shtëpisë së Bardhë. Megjithatë, edhe pse rezultati i tij është i qartë në Dhomën e Përfaqësuesve dhe në votën popullore, rruga deri në inaugurimin e tij si Presidenti i 47-të i SHBA-së është ende e gjatë. Ja disa nga datat kyçe deri në marrjen e tij zyrtarisht në detyrë:
Vërtetimi i Rezultateve të Zgjedhjeve:
Çdo shtet ka afatet e tij për të certifikuar rezultatet e zgjedhjeve. Për shembull:
Arizona dhe Miçigani: 25 nëntor
Xhorxhia: 22 nëntor
Wisconsin: 1 dhjetor
Mbledhja e Dhomës së Përfaqësuesve:
Më 17 dhjetor, zgjedhësit e Kolegjit Zgjedhor do të votojnë zyrtarisht për presidentin dhe nënpresidentin, duke i dërguar rezultatet Kongresit për numërim. Kjo do të ndodhë të hënën e dytë të dhjetorit, më 17 dhjetor.
Certifikimi i Votave nga Kongresi:
Kongresi do të mblidhet më 6 janar për të numëruar dhe certifikuar votat e Kolegjit Zgjedhor. Pas vërtetimit të rezultateve, fitorja e Presidentit të ri bëhet zyrtare.
Betimi i Presidentit të Ri:
Inaugurimi do të zhvillohet më 20 janar, kur Presidenti dhe Zëvendëspresidenti i ri do të betohen në Uashington në mesditë, duke marrë zyrtarisht detyrën për një mandat të ri.
