Përshkallëzimi i tensioneve në Lindjen e Mesme ka shpërthyer përsëri, pasi Hezbollahu ka nisur një breshëri prej rreth 20 raketash drejt rajonit verior të Galilesë në Izrael.
Alarmet janë aktivizuar menjëherë, ndërsa sipas Kanalit 12 të Izraelit, forcat izraelite kanë arritur të interceptojnë shtatë deri në tetë raketa, ndërsa disa të tjera kanë rënë në zona të hapura.
Në raportet e para, nuk ka pasur viktima, megjithatë situata mbetet e tensionuar. Transmetuesi shtetëror iranian, Press TV, ka bërë të ditur se ky sulm është pjesë e një “operacioni hakmarrës” nga Hezbollahu, grupi i mbështetur nga Irani.
Ky incident ka shtuar frikën për një përshkallëzim të mëtejshëm të dhunës në rajon, ndërsa autoritetet izraelite janë duke ndjekur nga afër zhvillimet.
