Lideri i opozitës Sali Berisha në fjalën e tij në tubim u shpreh se në buxhetin 8.2 miliardësh nuk është lënë pothuajse asgjë, asnjë rritje rroge për qytetarët shqiptarë, për ndihmën ekonomike, për pensionet dhe asnjë rritje për rogat minimale për rrogëtarët shqiptarë.
Berisha theksoi se Shqipëria kurrë nuk ka pasur një buxhet më antiqytetar se buxheti i këtij viti.
“Të mbledhësh nga qytetarët më të varfër të Europës, bizneset e vendit, 8 miliardë euro, dhe të mos u kthesh atyre veçse thërrime, kryen një krim me përmasa sa Mali i Dajtit, një krim të tmerrshëm. Por kur ti e bën këtë pasi për vete, për ministrat, për mercenarët e Skapit ke rritur rrogat, ke vendosur rrogat më të larta në rajon, më të larta se Sllovenia, që ka të ardhura për frymë 4 herë më të larta se Shqipëria.
Kur ti vendos rrogat më të larta se ministrat e Vatikanit, kur ti vendos rrogat një prokurori hajdut, mercenar, që tregton gjithë natën me vrasësit, kriminelët ryshfete për t’i mbyllur dosjen dhe prishur provat dhe i jep një rrogë sa 70 pensionistë, kryen një krim të rëndë, një krim kundër njerëzimit.”, tha lideri i opozitës.
